دارالحکومت اسلام آباد کے قریبی علاقے ترنول میں فوڈ اتھارٹی کی کارروائی میں 25 من گدھے کا گوشت برآمد ہوا ہے۔
ڈپٹی ڈائریکٹر اسلام آباد فوڈ اتھارٹی ڈاکٹر طاہرہ صدیق نے بتایا کہ ترنول میں پچاس سے زائد گدھے اور بڑی مقدار میں گوشت برآمد کیا ہے۔
ڈائریکٹر فوڈ اتھارٹی کی جانب سے ملوث افراد کے خلاف فی الفور مقدمہ درج کرنے کا حکم دیا گیا ہے۔
ڈاکٹر طاہرہ صدیق کے مطابق فوڈ اتھارٹی ٹیم کی جانب سے ٹوٹل 25 من گوشت برآمد کیا گیا ہے جبکہ گوشت کو تلف کیا جا رہا ہے۔
انہوں نے بتایا کہ موقع پر موجود ایک غیر ملکی شہری کو بھی پولیس کے حوالے کیا گیا ہے۔
اس حوالے سے بھی تفتیش کی جا رہی ہے کہ گوشت کن کن ایریاز میں سپلائی کیا گیا اور کیا غیر ملکی شہریوں کے کھانے کے لیے استعمال کیا گیا۔