اطالوی اراکینِ پارلیمنٹ کا فلسطینی عوام سے منفرد اظہارِ یکجہتی

image

اطالوی سیاسی جماعت فائیو اسٹار موومنٹ کے اراکینِ پارلیمنٹ نے فلسطینی عوام سے یکجہتی کے اظہار کے لیے ایک منفرد انداز اپنایا ہے۔ انہوں نے پارلیمنٹ کے اجلاس میں فلسطینی پرچم کے رنگوں والے لباس پہن کر نہ صرف فلسطینیوں سے ہمدردی کا اظہار کیا بلکہ اسرائیلی حملوں کے خلاف اپنا احتجاج بھی ریکارڈ کرایا۔

پارٹی اراکین نے پارلیمنٹ میں کہا کہ آج ہم یہ پرچم نہیں لہرا رہے کیونکہ آپ ہم سے چھین لیں گے۔ انہوں نے مزید کہا کہ آج ہم اس پرچم کو اپنے جسم سے لگا رہے ہیں کیونکہ یہ اب صرف فلسطین کا پرچم نہیں رہا بلکہ یہ انسانیت کے لیے جدوجہد کرنے والوں کا عالمی پرچم بن چکا ہے۔

اطالوی ارکانِ پارلیمنٹ کا یہ اقدام فلسطینی عوام کے ساتھ بین الاقوامی یکجہتی کی ایک اہم مثال ہے۔


Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.

Follow US