چہلم کے موقع پر 642 امام بارگاہوں پر 1,113 اور 501 مجالس پر 2,901 جبکہ 108 جلوسوں پر 7,465 پولیس افسران و اہلکار سیکیورٹی ڈیوٹی پر تعینات ہوں گے۔ اس موقع پر مجموعی طور پر 11,479 افسران و اہلکار تعینات کیے گئے ہیں۔
کراچی کے مرکزی جلوس کے روٹس سے ملنے والی سڑکیں مکمل طور پر بند رہیں گی جبکہ نشتر پارک کے اطراف میں بھی غیر معمولی سیکیورٹی اقدامات کیے گئے ہیں۔ تمام ایس ایچ اوز کو ہدایت دی گئی ہے کہ وہ اپنے علاقوں میں موجود رہتے ہوئے پیٹرولنگ، اسنیپ چیکنگ اور پکٹنگ کو مزید سخت کریں۔
حساس تنصیبات، پبلک مقامات اور اہم سرکاری و نجی عمارتوں پر بھی سیکیورٹی ہائی الرٹ رکھی جائے گی۔ شہر کے داخلی و خارجی راستوں پر ناکہ بندی اور سرچنگ کو مزید مربوط بنایا گیا ہے جبکہ بم ڈسپوزل اسکواڈ کے ذریعے تمام اہم مقامات کی سوئپنگ اور کلیئرنس کا عمل مکمل کیا جائے گا۔
ایڈوانس انٹیلی جنس کلیکشن اور شیئرنگ کو تھانہ سطح پر مزید مضبوط بنانے کی ہدایت بھی دی گئی ہے۔ ایڈیشنل آئی جی کراچی نے واضح کیا ہے کہ سیکیورٹی اقدامات پر عمل درآمد میں کسی بھی قسم کی غفلت ناقابلِ برداشت ہوگی۔