کراچی میں حالیہ بارشوں کے بعد جہاں سڑکیں پانی میں ڈوبی نظر آئیں، وہیں ایک دل کو چھو لینے والا منظر بھی سامنے آیا۔ شہر کے ایک نالے میں پانی کے تیز بہاؤ کے دوران ایک بلی پھنس کر ڈوبنے لگی۔ صورتحال دیکھتے ہی قریبی موجود شہری فوراً حرکت میں آئے اور اپنی جان کی پرواہ کیے بغیر اسے باہر نکال کر زندگی دے دی۔
عینی شاہدین کے مطابق بلی پانی میں جدوجہد کر رہی تھی کہ چند نوجوانوں نے فوری اقدام کرتے ہوئے اسے ڈوبنے سے بچا لیا۔ یہ تمام مناظر ایک راہگیر نے کیمرے میں محفوظ کر لیے جو بعد میں سوشل میڈیا پر تیزی سے پھیل گئے۔
ویڈیو سامنے آنے کے بعد صارفین نے ان شہریوں کے جذبے کو خوب سراہا۔ بہت سے لوگوں نے اسے انسانیت اور جانوروں سے محبت کی بہترین مثال قرار دیا اور کہا کہ ایسے عمل دوسروں کے لیے سبق اور حوصلہ افزائی کا ذریعہ بنتے ہیں۔