سندھ طاس معاہدے کے تحت بھارت نے پاکستان سے باضابطہ رابطہ کرکے ممکنہ بڑے سیلاب کے خطرے سے آگاہ کیا ہے۔
سرکاری ذرائع کے مطابق بھارت نے دریائے توی میں جموں کے مقام پر ممکنہ بڑے سیلاب کی اطلاع دی اور یہ پیغام بھارتی ہائی کمیشن اسلام آباد کے ذریعے پاکستان کو پہنچایا گیا۔ بتایا گیا ہے کہ بھارتی حکام کی جانب سے رابطہ 24 اگست کی صبح 10 بجے کیا گیا جس میں پاکستان کو پیشگی طور پر صورتحال سے باخبر کیا گیا۔
ذرائع کا کہنا ہے کہ مئی میں پاک بھارت جنگ کے بعد دونوں ممالک کے درمیان یہ پہلا بڑا رابطہ ہے۔ اس پیشرفت کے بعد حکومت پاکستان نے بھارتی معلومات کی روشنی میں متعلقہ اداروں کو الرٹ جاری کردیا ہے۔