اسپین کے شہر بونیول میں رواں سال بھی دنیا کے مشہور لا ٹوماتینا فیسٹیول کو جوش و خروش کے ساتھ منایا گیا۔ یہ منفرد فیسٹیول 1945 سے ہر سال منعقد کیا جا رہا ہے اور اسپین کی ثقافت کی پہچان بن چکا ہے۔
27 اگست کو منائے گئے فیسٹیول کا یہ 80 واں ایڈیشن تھا جس میں دنیا بھر سے آئے تقریباً 22 ہزار افراد نے شرکت کی۔ شرکاء نے ایک دوسرے پر 120 ٹن سے زائد ٹماٹر پھینکے اور ایک گھنٹے تک جاری اس دنگل کو بھرپور انداز میں انجوائے کیا۔
فیسٹیول میں موجود شرکاء حفاظتی چشمے اور ائیر پلگس لگا کر گلیوں میں ٹماٹروں کی بارش میں کھیلتے رہے۔
1945ء سے شروع ہونے والا یہ انوکھا فیسٹیول نہ صرف اسپین کی روایت کا حصہ ہے بلکہ دنیا بھر کے سیاحوں کے لیے ایک بڑی کشش بھی بن چکا ہے۔