گوگل میپ کے بتائے راستے پر جا کر خاندان کے 4 لوگ دریا میں بہہ گئے۔۔ افسوس ناک واقعہ کس جگہ پیش آیا؟

image

بھارت کی ریاست راجستھان میں ایک افسوسناک سانحہ اس وقت پیش آیا جب گوگل میپ پر اندھا اعتماد ایک فیملی کی جان لے گیا۔ مذہبی رسومات سے واپسی پر گاڑی کا ڈرائیور راستہ ڈھونڈنے کے لیے موبائل ایپ استعمال کر رہا تھا۔ ایپ نے انہیں ’سومی اپریڈا پل‘ کی طرف موڑ دیا، جو کئی ماہ سے بند تھا اور کسی بھی ٹریفک کے لیے محفوظ نہیں تھا۔

پولیس کے مطابق گاڑی پل پر پھنسی اور اچانک دریا کے تیز بہاؤ میں بہہ گئی۔ حادثے کے نتیجے میں دو خواتین اور دو بچے جان سے ہاتھ دھو بیٹھے جبکہ ایک بچہ اب تک لاپتہ ہے۔

پانچ افراد نے غیر معمولی ہمت دکھاتے ہوئے کھڑکی توڑی، وین کی چھت پر چڑھ گئے اور موبائل کی ٹارچ کے ذریعے مدد کے سگنل دیے۔ اندھیرا ہونے کے باوجود مقامی لوگ اور پولیس فوراً پہنچے اور کشتیوں کی مدد سے پانچوں کو زندہ نکالنے میں کامیاب ہوئے۔

واقعے نے ایک بار پھر سوال کھڑا کر دیا ہے کہ ٹیکنالوجی پر اندھا اعتماد کس حد تک خطرناک ثابت ہوسکتا ہے۔ حکام نے مزید تحقیقات اور لاپتہ بچے کی تلاش کے لیے ریسکیو آپریشن جاری رکھنے کا اعلان کیا ہے۔


Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.

Follow US