ایشیائی ترقیاتی بینک نے پاکستان میں سیلاب متاثرین کے لیے 30 لاکھ ڈالر کی ہنگامی امداد کا اعلان کیا ہے۔ پنجاب میں 28 اموات کی تصدیق ہوئی ہے جبکہ این ڈی ایم اے نے سندھ میں ممکنہ نقصانات کے پیش نظر شہریوں کو انخلا کے لیے تیار رہنے کی ہدایت کی ہے۔
- پی ڈی ایم اے نے پنجاب میں حالیہ بارشوں اور سیلابی صورتحال کے دوران 28 اموات کی تصدیق کی ہے
- صوبہ پنجاب کے شہر لاہور میں ریسکیو 1122 کا کہنا ہے کہ دریائے راوی سے ملحقہ علاقوں سے لوگوں کو محفوظ مقامات پر منتقل کیا جا رہا ہے۔ صوبائی دارالحکومت کے بعض علاقوں میں سیلابی پانی داخل ہونے کی اطلاعات سامنے آئی ہیں
- حکام نے دریائے چناب اور راوی میں سیلابی صورتحال کا الرٹ جاری کیا ہے جبکہ جمعے سے پنجاب سمیت ملک کے کئی حصوں میں مون سون بارشوں کی پیشگوئی کی گئی ہے
- حکومت پنجاب کے مطابق دریاؤں کے بہاؤ میں تیزی کئی شہروں جیسے لاہور، قصور اور ساہیوال، چینوٹ اور جھنگ کو متاثر کر سکتی ہے
- سیلاب اور بارشوں کے باعث متاثرہ علاقوں میں سرکاری اور نجی تعلیمی ادارے بند ہیں
سندھ میں ’شدید اونچے درجے کے سیلاب‘ کی وارننگ، ایشیائی ترقیاتی بینک کا پاکستان میں سیلاب متاثرین کے لیے 30 لاکھ ڈالر کی ہنگامی امداد کا اعلان
