ہوا کا کم دباؤ شدت اختیار کر کے ڈپریشن میں تبدیل ہوگیا ہے، محکمہ موسمیات کے مطابق سسٹم اب بھارت کے جنوب مغربی راجستھان پر موجود ہے، سٹم کے زیر اثر سندھ میں مضبوط مون سون ہوائیں داخل ہو رہی ہیں۔
کراچی میں آج شام سے 11 ستمبر تک وقفے وقفے سے گرج چمک کے ساتھ بارش کا امکان ہے جبکہ تھر پار کر، عمر کوٹ، میر پور خاص، سانگھڑ، خیرپور میں تیز ہواؤں کے ساتھ بارش ہوسکتی ہے۔
محکمہ موسمیات کے مطابق شہید بینظیر آباد، دادو، مٹیاری میں 11 ستمبر تک وقفے وقفے سے تیز ہواؤں اور بارش کا امکان ہے جبکہ ٹنڈو محمد خان، ٹنڈوالہیار، حیدر آباد، ٹھٹہ، بدین، سجاول اور جامشورو میں بھی بارش متوقع ہے۔
محکمہ موسمیات کی پیشگوئی کے مطابق شکارپور، کشمور، سکھر، جیکب آباد اور گھوٹکی میں بھی بارش ہوسکتی ہے۔
محکمہ موسمیات نے کراچی، ٹھٹہ، بدین، سجاول اور حیدرآباد کے نشیبی علاقوں میں اربن فلڈنگ کا الرٹ بھی جاری کیا ہے۔ دوسری جانب میر پور خاص، شہید بینظیر آباد، تھر پار کر، خیرپور، سکھر اور لاڑکانہ میں اربن فلڈ نگ کا خدشہ موجود ہے۔