بین الاقوامی بلین مارکیٹ میں فی اونس سونے کی قیمت مزید 37 ڈالر بڑھ کر 4 ہزار 509 ڈالر کی سطح پر پہنچ گئی، جس کے اثرات مقامی صرافہ مارکیٹوں میں بھی نمایاں طور پر دیکھے گئے۔
مقامی مارکیٹ میں 24 قیراط فی تولہ سونے کی قیمت 3 ہزار 700 روپے کے اضافے سے 4 لاکھ 72 ہزار 262 روپے ہو گئی، جبکہ فی دس گرام سونے کی قیمت بھی 3 ہزار 172 روپے بڑھ کر 4 لاکھ 05 ہزار 745 روپے کی سطح پر آ گئی۔
اسی طرح چاندی کی قیمتوں میں بھی اضافہ دیکھا گیا، فی تولہ چاندی 270 روپے مہنگی ہو کر 8 ہزار 465 روپے اور فی دس گرام چاندی 232 روپے اضافے کے بعد 7 ہزار 257 روپے پر پہنچ گئی۔