صوبہ پنجاب میں قدرتی آفات سے نمٹنے کے ادارے پی ڈی ایم اے کے ڈائریکٹر جنرل عرفان کاٹھیا کا کہنا ہے کہ ہیڈ تریموں سے آنے والے نئے سیلابی ریلے کے باعث ملتان اگلے 48 گھنٹوں تک ’ہائی رسک‘ پر ہے۔ اب تک پنجاب میں سیلاب کی وجہ سے 63 ہلاکتیں ہو چکی ہیں جبکہ 4300 سے زیادہ دیہاتوں سمیت 26 اضلاع متاثر ہوئے ہیں۔
- پنجاب میں سیلاب کی صورتحال سے متعلق حکام کا کہنا ہے کہ ہیڈ تریموں سے آنے والے نئے سیلابی ریلے کے باعث ملتان اگلے 48 گھنٹوں تک ’ہائی رسک‘ پر ہے
- اب تک صوبے میں سیلاب کی وجہ سے 63 ہلاکتوں کی تصدیق کی گئی ہے۔ حکام کا کہنا ہے کہ صوبے کے 4300 سے زیادہ دیہاتوں سمیت 26 اضلاع متاثر ہوئے ہیں جبکہ 74 ہزار سے زیادہ لوگ خیموں میں موجود ہیں
- جلالپور پیر والا میں ریسکیو آپریشن جاری ہے، 24 گھنٹوں میں چار ہزار سے زیادہ لوگ محفوظ مقامات پر منتقل کیے جا چکے ہیں
- گجرات میں اربن فلڈنگ کے باعث ڈسٹرکٹ جیل کو خالی کر دیا گیا ہے
- سیلاب کے پیشِ نظر سندھ میں تقریباً ایک لاکھ 34 ہزار افراد کو محفوظ مقامات پر منتقل کیا جا چکا ہے
- سندھ حکومت کا کہنا ہے کہ گڈو، سکھر اور کوٹری میں حالات قابو میں ہیں
ملتان ’ہائی رسک‘ پر: اگلے 24 گھنٹوں میں ہیڈ محمد والا اور شیر شاہ بند پر پانی کا دباؤ بڑھنے کا خدشہ
