امریکی صدر ڈونلڈ ٹرمپ نے ایک صدارتی حکم نامے پر دستخط کردیے جس کے مطابق بیرون ممالک میں امریکی شہریوں کو غیرقانونی طور پر حراست میں لینے والے ممالک کے خلاف سخت اقدامات کیے جائیں گے۔
حکم نامے کے مطابق ایسے ممالک کو بلیک لسٹ کیا جا سکے گا اور ان پر پابندیاں،ان کے شہریوں کے امریکا میں داخلے پر پابندی، سفری اور برآمد پر پابندی سمیت دیگر اقدامات بھی کیے جائیں گے۔
امریکی وزیر خارجہ کو یہ اختیار دیا گیا ہے کہ وہ نامزد ممالک کے خلاف ہرممکن اقدام کریں۔ تاہم اگر کوئی حکومت غیرقانونی طور پر گرفتار امریکی شہریوں کو رہا کر دے یا آئندہ خلاف ورزی نہ کرنے کی یقین دہانی کرا دے تو اس کا نام بلیک لسٹ سے نکال دیا جائے گا۔