کراچی کی بیوہ خاتون اہل خانہ کی کفالت کے لیے ضعیفی کے باوجود اپنے ناتواں بازوؤں میں اوزار پکڑے رزق حلال کما کر مثال بن گئیں۔
لک پتی چوک پر 40 سال سے صبح سویرے اپنا ٹھیہ کھول دن بھر محنت کرنے والی خاتون جمیلہ کو اہل علاقہ فخر سے "شیرنی" کے نام سے جانتا ہے۔ خاتون جمیلہ موٹر سائیکلوں کا آئل تبدیل کرنے کے علاوہ اپنے اوزاروں سے چھوٹے موٹے کام بھی کرلیتی ہے۔ محنت کش خاتون کا کہنا ہے کہ شوہر اور بیٹے کے انتقال کے بعد کٹھن حالات اور بھوک سے بلکتے پوتوں اور پوتیوں نے اسے سب کچھ سکھادیا، گھر کی ذمہ داری ناتواں کندھوں پر آنے کے بعد اس نے کشکول اٹھانے کی بجائے رزق حلال کے لیے محنت مشقت کو ترجیح دی، خاتون نے بتایا کہ اس نے اخبار بھی بیچے۔ مدینہ دیکھنے کی خواہش کے علاوہ خاتون کے اور کیا خواب ہیں؟ اس بارے میں ویڈیو دیکھیں۔