رات کے سفر کے بعد گھر پہنچتے ہی اکثر انسان کا دل چاہتا ہے کہ فوراً آرام کرے، لیکن کبھی کبھار گھر کا ماحول کچھ اور ہی کہانی سناتا ہے۔ ایسی ہی ایک وڈیو نے سوشل میڈیا پر سب کی توجہ کھینچ لی ہے، جس میں دکھایا گیا کہ ایک بیٹا ممبئی سے رات کے تین بجے واپس آیا اور گھر میں اس کا استقبال بالکل مختلف انداز میں ہوا۔
وڈیو میں دیکھا جا سکتا ہے کہ بیٹا تھکن کے باوجود ایک کمرے میں کھڑا ہے اور پردے لگا رہا ہے۔ قریب کھڑی ماں اسے ہدایات دے رہی ہیں کہ کہاں اور کیسے پردہ درست کرنا ہے۔ اسی دوران بڑے بھائی کی آواز آتی ہے جو مزاحیہ انداز میں کہتا ہے، ’’یہ رات کے تین بجے آیا ہے اور آپ اسے یہ سب کرنے پر لگا رہی ہیں؟‘‘ ماں کا جواب سیدھا مگر دلچسپ ہوتا ہے جو سن کر سب ہنس پڑتے ہیں۔
یہ منظر دیکھنے والوں کو ہر دیسی گھر کا عام سا واقعہ یاد دلا دیتا ہے، جہاں چھوٹے بہن بھائی اکثر اسی طرح کے کاموں کے لیے پکڑے جاتے ہیں چاہے وہ تھکے ہوئے ہوں یا سو کر اٹھے ہوں۔
ویڈیو پر آنے والے تبصرے بھی اتنے ہی دلچسپ ہیں۔ ایک صارف نے کہا، ’’چھوٹے بیٹے بیٹیوں کی ہمیشہ یہی قسمت ہوتی ہے، ہم سب اس کو سمجھ سکتے ہیں۔‘‘ کسی اور نے مذاق میں لکھا، ’’اب پنکھا بھی صاف کرا لو۔‘‘
یہ مختصر وڈیو گھر کے ماحول کی حقیقت دکھاتی ہے، جہاں محبت اور ذمہ داریاں ایک ساتھ چلتی ہیں۔ 2.5 ملین سے زیادہ بار دیکھی جانے والی یہ وڈیو اس بات کی یاد دہانی بھی ہے کہ کبھی کبھی تھکن کے باوجود فیملی کے لیے کام کرنا بھی ایک طرح کی خوشی دے جاتا ہے۔