جنوبی وزیرستان میں فرنٹیئر کور (ایف سی) نے کارروائی کرکے افغان خودکش بمبار کو گرفتار کرلیا۔
گرفتار کیے گئے خودکش بمبار کی شناخت نعمت اللہ ولد موسیٰ جان کے نام سے ہوئی ہے، جو افغانستان کے صوبے قندھار کا رہائشی ہے۔
سکیورٹی ذرائع کے مطابق خودکش بمبار نے بتایا ہے کہ خودکش حملے کی تربیت تین ماہ کی تھی، لیکن اس نے ایک ہفتےکی ٹریننگ لی۔ خودکش بمبار نے بتایا کہ وہ 40 لوگ خوست میں اکٹھے ہوئے اور براستہ چیوار پاکستان میں داخل ہوئے۔
خودکش بمبار کے مطابق تربیت میں اسے سکھایا گیا کہ گاڑی پر خودکش حملہ کیسے کرنا ہے۔