اسٹیٹ بینک آف پاکستان نئی مانیٹری پالیسی کا اعلان آج کرے گا۔ اس حوالے سے مانیٹری پالیسی کمیٹی کا اجلاس گورنر اسٹیٹ بینک جمیل احمد کی زیرِ صدارت ہوگا جس میں آئندہ ڈیڑھ ماہ کے لیے شرحِ سود کا فیصلہ کیا جائے گا۔
ترجمان اسٹیٹ بینک کے مطابق کمیٹی ملکی و عالمی معاشی حالات، افراط زر، بیرونی کھاتوں کی صورتحال، درآمدات و برآمدات اور ایکسچینج ریٹ کا مفصل جائزہ لے گی، جبکہ فیصلے کا اعلان پریس ریلیز کے ذریعے کیا جائے گا۔
معاشی ماہرین کے مطابق رواں وقت میں بنیادی شرح سود 11 فیصد کی سطح پر برقرار ہے اور موجودہ حالات میں اس میں کسی تبدیلی کا امکان کم ہے۔ ستمبر 2025 میں مہنگائی کی ماہانہ شرح 5.6 فیصد ریکارڈ کی گئی جبکہ کرنٹ اکاؤنٹ 11 کروڑ ڈالر سرپلس رہا ہے جس کے باعث پالیسی ریٹ مستحکم رہنے کی توقع ظاہر کی جا رہی ہے۔