حکومتِ خیبر پختونخوا نے پشاور میں بڑھتی آلودگی اور ایندھن کی کھپت کو دیکھتے ہوئے ای رکشوں کے منصوبے پر کام شروع کردیا ہے۔
منصوبے کے بنیادی ڈھانچے اور اس پر عمل درآمد میں بڑی پیش رفت ہوئی ہے جس کے بعد جلد ہی منصوبہ شروع ہونے کا امکان ہے۔
محکمہ منصوبہ بندی و ترقی خیبر پختونخوا کی جانب سے پشاور میں الیکٹرک رکشوں کے تعارف اور تبدیلی سے متعلق اسٹیئرنگ کمیٹی کا اجلاس منعقد ہوا، جس میں منصوبے کی پیش رفت کا جائزہ لیا گیا اور ای رکشوں کے تعارف کے لیے آئندہ کا لائحہ عمل طے کیا گیا۔
اجلاس میں منصوبے کے مختلف پہلوؤں پر تفصیلی غور کیا گیا، جن میں ای رکشوں کے فوائد، درکار بنیادی ڈھانچے اور عمل درآمد کے مراحل شامل تھے۔