پاکستان پیپلز پارٹی کے چیئرمین بلاول بھٹو زرداری نے کہا ہے کہ ہماری مسلح افواج نے ایک مرتبہ پھر ثابت کردیا ہے کہ پاکستان کی سرحدیں محفوظ ہیں۔
جامشورو کیڈٹ کالج پٹارو میں خطاب کرتے ہوئے بلاول بھٹو زرداری کا کہنا تھا کہ مسلح افواج نے اپنی پیشہ ورانہ صلاحیتوں کے باعث بھارت پر فتح حاصل کی اور ملک کا دفاع مضبوط ہاتھوں میں ہے۔ انہوں نے کہا کہ قوم کی طاقت صرف ہتھیاروں سے نہیں بلکہ اس کے کردار سے بھی ناپی جاتی ہے۔
چیئرمین پیپلز پارٹی کا مزید کہنا تھا کہ دنیا پر واضح ہوچکا ہے کہ پاکستان ایک منظم اور ثابت قدم ملک ہے جو ہر چیلنج کا مقابلہ کرنے کی صلاحیت رکھتا ہے۔