اسلام آباد ایئرپورٹ پر ایف آئی اے امیگریشن نے کارروائی کرتے ہوئے بیرون ملک جانے کی ناکام کوشش کو بے نقاب کر دیا۔ جعلی امیگریشن اسٹمپس کے ذریعے سفر کرنے کی کوشش کرنے والے مسافر کو آف لوڈ کردیا گیا۔
ترجمان ایف آئی اے کے مطابق عارف خان نامی مسافر فلائٹ نمبر FZ-354 کے ذریعے تھائی لینڈ کے راستے ملائیشیا روانہ ہونا چاہتا تھا۔ دورانِ چیکنگ معلوم ہوا کہ ملزم کے پاسپورٹ پر بیرون ملک آمد و روانگی کی متعدد جعلی امیگریشن اسٹمپس لگی ہوئی تھیں، جبکہ پاسپورٹ پر موجود ملائیشیا انٹری اسٹمپ بھی جعلی ثابت ہوئی۔
ترجمان کے مطابق ان اسٹمپس کا سسٹم میں کوئی ریکارڈ موجود نہیں تھا۔ ملزم کا تعلق مردان سے بتایا جاتا ہے۔
ایف آئی اے نے مسافر کو آف لوڈ کرتے ہوئے اسے مزید قانونی کارروائی کے لیے اینٹی ہیومن ٹریفکنگ سرکل اسلام آباد کے حوالے کردیا ہے۔ واقعے کی تحقیقات جاری ہیں۔