چیئرمین پاکستان پیپلز پارٹی بلاول بھٹو زرداری کی ہدایت پر پاکستان پیپلز پارٹی نے 30 نومبر کو ضلعی سطح پر یوم تاسیس منانے کا اعلان کردیا۔
پاکستان پیپلزپارٹی کے سیکریٹری جنرل ہمایوں خان نے کہا کہ پاکستان پیپلز پارٹی ملک کے تمام اضلاع میں یوم تاسیس کے حوالے سے پروگرام کرے گی۔
انہوں نے پارٹی کے تمام ضلعی عہدیداران کو ہدایت کی کہ اپنے اپنے اضلاع میں یوم تاسیس کے انتظامات کریں، یوم تاسیس کے موقع پر پانچ دہائیوں سے زائد عرصے پر مشتمل پاکستان پیپلز پارٹی کی جدوجہد کو اجاگر کیا جائے۔