اسلام آباد ہائیکورٹ کے ایک سینئر جج کو سپریم کورٹ میں مستقل طور پر لانے کے لیے جوڈیشل کمیشن آف پاکستان کا اہم اجلاس 2 دسمبر کو طلب کرلیا گیا ہے۔ اس سلسلے میں اجلاس کا سرکاری ایجنڈا جاری کردیا گیا ہے۔
ذرائع کے مطابق جوڈیشل کمیشن اجلاس میں جسٹس میاں گل حسن اورنگزیب کی سپریم کورٹ میں مستقل تقرری پر غور کیا جائے گا۔ جسٹس میاں گل حسن اورنگزیب اس وقت پہلے ہی ایڈہاک جج کے طور پر سپریم کورٹ میں خدمات سرانجام دے رہے ہیں اور عدالتی کارکردگی کے باعث انہیں مستقل لانے کی سفارش متوقع ہے۔
اس اجلاس کے بعد سپریم کورٹ میں ایک اور مستقل نشست پُر ہونے کا امکان ہے جبکہ اسلام آباد ہائیکورٹ میں بھی سینیارٹی کے تناظر میں اہم تبدیلیاں سامنے آسکتی ہیں۔