راولپنڈی کی اڈیالہ جیل میں آج ملاقات کا وقت ہونے کے باوجود بانی پی ٹی آئی کی بہنوں اور پارٹی رہنماؤں کو ملاقات کی اجازت نہیں دی گئی۔ جیل انتظامیہ کی جانب سے سخت سیکیورٹی کے تحت تمام سیاسی رہنماؤں کی رسائی روک دی گئی۔
ذرائع کے مطابق بیرسٹر گوہر علی خان کو بھی بانی پی ٹی آئی سے ملاقات کی اجازت نہیں ملی۔ ملاقات نہ ہونے پر علیمہ خان، ڈاکٹر عظمیٰ خان اور نورین خان نے فیکٹری ناکے پر دھرنا دے رکھا ہے، جبکہ حالات مسلسل کشیدہ ہوتے جا رہے ہیں۔
دھرنے میں پی ٹی آئی رہنماؤں کی آمد کا سلسلہ بھی جاری ہے۔ سلمان اکرم راجہ، مینا خان، مشتاق غنی، شاہد خٹک اور عبدالسلام آفریدی دھرنے میں پہنچ چکے ہیں اور جیل انتظامیہ کے فیصلے کے خلاف احتجاج کر رہے ہیں۔