پاکستان نیوی نے ملکی سطح پر تیار شدہ شپ سے لانچ ہونے والے اینٹی شپ بیلسٹک میزائل کی کامیاب ٹیسٹ فلائٹ انجام دی۔
یہ ہتھیار نہ صرف بحری بلکہ زمینی اہداف کو بھی اعلیٰ درستی کے ساتھ نشانہ بنانے کی صلاحیت رکھتا ہے۔ میزائل جدید گائیڈنس سسٹم اور ایڈوانسڈ مینوریوبیلیٹی فیچرز سے مزین ہے۔
ٹیسٹ فلائٹ کی نگرانی چیئرمین نیول اسٹاف ایڈمرل نوید اشرف، اعلیٰ سائنٹسدانوں اور انجینئرز نے کی۔
پاک بحریہ کے مطابق یہ کامیاب تجربہ پاکستان کی ٹیکنالوجیکل صلاحیت اور قومی مفادات کے تحفظ کے لیے نیوی کے عزم کا مظہر ہے۔
صدر، وزیراعظم، فیلڈ مارشل، چیئرمین جوائنٹ چیفس آف اسٹاف کمیٹی اور دیگر سروسز کے سربراہان نے اس کامیابی پر متعلقہ یونٹس اور سائنٹسدانوں کو مبارکباد دی۔