نشتر اسپتال ملتان کے ایک ڈاکٹر کی سوشل میڈیا پر نازیبا حرکت کی ویڈیو وائرل ہونے کے بعد انتظامیہ نے فوری کارروائی کی ہے۔
وائس چانسلر نشتر میڈیکل یونیورسٹی، پروفیسر ڈاکٹر مہناز خاکوانی کے حکم پر ڈاکٹر جمال قاسم کو نشتر اسپتال ملتان سے معطل کرنے کے بعد آج برطرف کردیا گیا۔
سوشل میڈیا صارفین نے اس اقدام کو سخت احتساب قرار دیتے ہوئے کہا کہ انصاف اسی وقت ہوگا جب اس ڈاکٹر کو نہ صرف پنجاب بلکہ پاکستان کے کسی بھی سرکاری اسپتال میں نوکری نہ دی جائے۔
یہ واقعہ ایک بار پھر یہ پیغام دیتا ہے کہ اسپتالوں میں اخلاقیات اور پیشہ ورانہ رویے کی خلاف ورزی پر کوئی رعایت نہیں برتی جائے گی۔