انسداد دہشت گردی عدالت راولپنڈی نے عمران خان کی ہمشیرہ علیمہ خان کو عارضی عدالتی تحویل میں لینے کا حکم دے دیا ہے۔ یہ اقدام 26 نومبر کے احتجاج پر درج مقدمے کی سماعت کے دوران کیا گیا۔
سماعت کے دوران علیمہ خان نے استدعا کی کہ ان کے وکیل سپریم کورٹ میں مصروف ہیں اس لیے انہیں جانے کی اجازت دی جائے۔ تاہم پراسیکیوٹر ظہیر شاہ نے عدالت کو آگاہ کیا کہ کریمنل پروسیجر کی سیکشن 351 کے تحت ملزمہ عدالتی تحویل میں ہے اور عدالت کی اجازت کے بغیر باہر نہیں جا سکتیں۔
عدالت نے علیمہ خان کو عدالتی احاطے سے باہر نہ جانے کا حکم دیتے ہوئے انہیں دوبارہ عدالت میں پیش ہونے کا پابند کیا۔ علیمہ خان جب عدالت سے باہر آئیں تو خواتین پولیس اہلکاروں نے انہیں تحویل میں لے کر عدالت کے اندر واپس لے گئے۔ اس دوران علیمہ خان کے وکیل فیصل ملک بھی عدالت پہنچ گئے۔
خیال رہے کہ انسداد دہشت گردی عدالت راولپنڈی نے 26 نومبر کے مقدمے میں متعدد بار علیمہ خان کے وارنٹ گرفتاری جاری کر چکی ہے، اور سماعت کے دوران دیگر 10 ملزمان کے خلاف بھی کارروائی جاری رہی۔