لاہور ہائی کورٹ کے راولپنڈی بینچ میں پی آئی اے کی نجکاری کے خلاف درخواست دائر کردی گئی ہے۔
درخواست گزار کا مؤقف ہے کہ حکومت 23 دسمبر کو پی آئی اے کی نجکاری کرنے جا رہی ہے، جو قومی مفاد کے خلاف ہے۔
درخواست میں کہا گیا ہے کہ اگر عدالت نے اس درخواست کو فوری سماعت کے لیے مقرر نہ کیا تو عوام کو شدید اور ناقابلِ تلافی نقصان کا سامنا کرنا پڑے گا۔
درخواست گزار کے مطابق پی آئی اے ایک قومی اثاثہ ہے اور اس کی نجکاری جلد بازی میں کرنا عوامی مفاد کے منافی ہے۔
درخواست میں عدالت سے استدعا کی گئی ہے کہ پی آئی اے کی نجکاری کے عمل کو روکا جائے اور معاملے کا تفصیلی جائزہ لیا جائے۔