ٹھٹھہ انتظامیہ کی نااہلی کے باعث برسات متاثرین کو بھیجے جانے والا کروڑوں روپے مالیت کا سامان گوداموں میں پڑے پڑے خراب ہوگیا۔
گزشتہ طوفانی برساتوں نے ہزاروں افراد کو متاثر کیا تھا لوگ مختلف علاقوں میں جاکر محفوظ مقامات پر منتقل ہوگئے تھے، برسات متاثرین اپنی مدد آپ کے تحت جھوپڑیوں اور کیمپس میں پناہ لیے رہے۔
متاثرین کے لیے حکومت نے کروڑوں روپے مالیت کے بستر، پانی کی ٹنکیاں اور دیگر قیمتی سامان بھیجا تھا جو متاثرین میں تقسیم نہیں کیا گیا۔
ضلعی انتظامیہ نے تمام قیمتی سامان گوداموں میں رکھ دیا تھا، قیمتی سامان گوداموں میں رکھا رکھا اب مکمل طور پر خراب ہوگیا جبکہ یہ بھی اطلاعات ہیں کہ قیمتی سامان ضلعی انتظامیہ کے کچھ خاص بندوں نے پہلے ہی گوداموں سے نکوالیا تھا۔