سوات موٹروے پل چوکی ٹول پلازہ کے قریب مسافر کوچ حادثے کا شکار ہوگئی جس کے نتیجے میں تین افراد موقع پر جاں بحق جبکہ 13 افراد شدید زخمی ہوگئے۔
حادثے کی اطلاع ملتے ہی ریسکیو 1122 ملاکنڈ کی میڈیکل ٹیموں کے ساتھ ڈیزاسٹر ریسپانس ٹیم، ڈیزاسٹر وہیکل اور ایمبولینسز فوری طور پر جائے وقوع پر پہنچیں۔ ریسکیو اہلکاروں نے زخمیوں کو بروقت ابتدائی طبی امداد فراہم کی اور انہیں ایمبولینسز کے ذریعے ڈی ایچ کیو اسپتال بٹخیلہ منتقل کیا۔
پانچ شدید زخمیوں کو مزید علاج کے لیے سوات منتقل کر دیا گیا۔ ریسکیو حکام کا کہنا ہے کہ زخمیوں کو فوری طبی امداد فراہم کرنے کے لیے پیشہ ورانہ انداز میں کارروائی کی گئی۔