پاکستان کی مشہور اداکارہ ثناء جاوید نے حال ہی میں دبئی سے اپنی خوبصورت تصاویر سوشل میڈیا پر شیئر کیں جو صارفین میں خوب پسند کی گئیں۔ اداکارہ کے شوہر سابق کرکٹر شعیب ملک کو لے کر ان کی ایک بات نے سوشل میڈیا پر بحث کو جنم دے دیا۔
ثناء جاوید کے انسٹاگرام پوسٹ پر ایک صارف نے لکھا کہ مجھے یہ فوٹوگرافر چاہیے جس پر ثناء جاوید نے جواب دیا میں اپنا میاں کسی کو نہیں دے سکتی۔
سوشل میڈیا صارفین نے ان کے اس جواب پر مزاح اور تنقید کا اظہار کیا۔ ایک صارف نے لکھا ثناء یہ آپ کا شوہر نہیں آپ نے حقیقت میں کسی سے چھینا ہے۔
ایک اور صارف نے کہا کہ اوہ مطلب آپ صرف دوسروں کے شوہروں کو لے سکتی ہیں لیکن اپنا نہیں دے سکتیں۔کچھ صارفین نے مزید طنزیہ تبصرے کیے اور کہا ٹھیک ہے کسی کو نہ دو، لیکن کم از کم نظر رکھو اور کسی کو آپ کے شوہر کی ضرورت نہیں، اپنے پاس رکھو۔