وزیراعلیٰ خیبرپختونخوا سہیل آفریدی نے اپنا تین روزہ دورہ سندھ کا شیڈول جاری کر دیا ہے۔ دورے کے دوران وہ وزیراعلیٰ سندھ مراد علی شاہ سے ملاقات کریں گے اور سندھ بار ایسوسی ایشن سے خطاب کریں گے۔
وزیراعلیٰ کے مشیر برائے اطلاعات شفیع جان کے مطابق سہیل آفریدی 9 جنوری بروز جمعہ اراکین اسمبلی کے ہمراہ سندھ کا دورہ کریں گے۔ اس دوران وہ پارٹی اسیرانِ جیل، سول سوسائٹی کے نمائندوں اور پارٹی قیادت سے ملاقاتیں کریں گے۔
شفیع جان نے مزید بتایا کہ اسٹریٹ موومنٹ کی قیادت خود وزیراعلیٰ سہیل آفریدی کر رہے ہیں اور پارٹی کارکنان کو بھرپور سیاسی جدوجہد کے لیے متحرک کیا جا رہا ہے۔ دورے کے بعد وزیراعلیٰ خیبرپختونخوا حیدرآباد کا بھی دورہ کریں گے۔