پنجاب حکومت نے سرکاری محکموں میں ماحول دوست ٹرانسپورٹ کے فروغ کے لیے اہم فیصلہ کیا ہے۔ اب سرکاری محکمے پیٹرول یا ڈیزل پر چلنے والی نئی گاڑیاں خرید نہیں سکیں گے اور آئندہ صرف الیکٹرک یا ہائبرڈ گاڑیاں خریدی جا سکیں گی۔
چیف سیکریٹری پنجاب نے بتایا کہ فیلڈ ڈیوٹی پر مامور گاڑیاں اس پابندی سے مستثنیٰ ہوں گی۔ اس کے علاوہ، نئی الیکٹرک وہیکل پالیسی بھی جلد اعلان کی جائے گی۔
مزید برآں نئے پیٹرول پمپس کے لیے این او سی کی منظوری اب صرف اس صورت میں دی جائے گی جب پمپ میں الیکٹرک چارجنگ یونٹ موجود ہو۔
یہ اقدام پنجاب حکومت کی ماحولیاتی تحفظ کی حکمت عملی کے تحت سرکاری شعبے میں صاف توانائی کی ترغیب دینے کے لیے اٹھایا گیا ہے۔