تھائی لینڈ میں ریلوے حادثے کے نتیجے میں 22 افراد جان کی بازی ہار گئے جبکہ 50 سے زائد مسافر زخمی ہو گئے۔ غیر ملکی میڈیا کے مطابق بنکاک سے اوبون رتچاتھانی جانے والی ایکسپریس مسافر ٹرین کو صوبہ ناخون رتچاسیما میں حادثہ پیش آیا۔
انتظامیہ کے مطابق ٹرین پٹری پر گری ایک کرین سے ٹکرا گئی جس کے باعث زور دار دھماکے کی آواز سنی گئی اور ٹرین پٹری سے اتر گئی۔ حادثے کے دوران کرین کا بقیہ ڈھانچہ بھی ٹوٹ کر پٹری سے اتری ہوئی ٹرین پر آ گرا جس سے نقصان میں مزید اضافہ ہوا۔
ریسکیو حکام کا کہنا ہے کہ تقریباً 190 مسافر تباہ شدہ بوگیوں میں پھنسے ہوئے ہیں جنہیں نکالنے کے لیے امدادی کارروائیاں تیزی سے جاری ہیں۔ زخمیوں کو قریبی اسپتالوں میں منتقل کر دیا گیا ہے۔