مسجد الحرام میں ایک زائر کو اپنی جگہ نماز دینے والے بنگلادیشی ورکر ابون ابو بکر کی ویڈیو وائرل ہونے کے بعد مکہ میونسپلٹی نے سرکاری سطح پر اس کی پذیرائی کی ہے۔
ویڈیو میں دیکھا جا سکتا ہے کہ ابون ابو بکر اپنی ذاتی جائے نماز ایک زائر کو پیش کرتے ہیں تاکہ وہ مسجد الحرام میں آرام سے نماز ادا کر سکے۔ سوشل میڈیا صارفین نے اس کے اخلاص، عاجزی اور ایثار کو سراہا۔
مکہ میونسپلٹی نے اس عمل کو مسجد الحرام اور مکہ مکرمہ کی اقدار کی عکاسی قرار دیتے ہوئے ابون ابو بکر کے مثالی رویے اور زائرین کے لیے مخلصانہ خدمات کا اعتراف کیا۔