احتساب عدالت کراچی نے ساڑھے 13 ہزار ایکڑ زمین کی غیرقانونی الاٹمنٹ کے ریفرنس میں ایک بار پھر ملک ریاض اور زین ملک سمیت 10 مفرور ملزمان کے ناقابل ضمانت وارنٹ گرفتاری جاری کر دیے۔
عدالت نے سابق وزیراعلیٰ سندھ سید قائم علی شاہ کی بریت کی درخواست کی سماعت ملتوی کر دی، جبکہ ملزمان کے نام ایگزٹ کنٹرول لسٹ (ای سی ایل) میں شامل کرنے کے خلاف دائر درخواستوں پر بھی سماعت مؤخر کر دی گئی۔
ادھر احتساب عدالت نے مختیار علی اقبال میرانی سمیت 7 ملزمان کو سمن جاری کر دیے۔ ریفرنس کے مطابق ملزمان پر بحریہ ٹاؤن کو ساڑھے 17 ہزار ایکڑ اراضی غیرقانونی طور پر الاٹ کرنے کا الزام عائد ہے۔