وفاقی حکومت نے سرکاری افسران کے لیے رہائشی مکانات کے کرایوں کی حد (رینٹل سیلنگ) میں نظرثانی کردی ہے، جس کا باضابطہ نوٹیفکیشن جاری کر دیا گیا ہے۔
نوٹیفکیشن کے مطابق اسلام آباد، راولپنڈی، لاہور، کراچی، پشاور اور کوئٹہ کے لیے نئی رینٹل سیلنگز کی منظوری دے دی گئی ہے۔ خود کرایہ پر مکان حاصل کرنے کی صورت میں نئی رینٹل سیلنگز کا اطلاق ہوگا جبکہ پہلے سے جاری کرایوں میں اضافہ بھی نظرثانی شدہ حد کے مطابق قابلِ اطلاق ہوگا۔
رپورٹ کے مطابق نئے مکان کے کرایے کی ادائیگی اندازہ شدہ کرائے سے زیادہ نہیں ہوسکے گی۔ کرایے میں اضافہ مالک مکان کے مطالبے یا سرکاری طور پر مقرر کردہ حد، دونوں میں سے کم کے مطابق ہوگا۔
وفاقی حکومت نے وزارت دفاع کو اس فیصلے پر عملدرآمد کے لیے مزید ضروری کارروائی کی ہدایت بھی جاری کردی ہے۔