سیکیورٹی حکام نے واضح کیا ہے کہ تیراہ میں کسی بڑے فوجی آپریشن کا آغاز نہیں کیا گیا، تاہم علاقے میں معمول کے مطابق انٹیلی جنس بیسڈ آپریشنز جاری ہیں۔
میڈیا نمائندوں کو دی گئی بریفنگ میں سیکیورٹی حکام کا کہنا تھا کہ تیراہ میں فوج کی تعداد میں کوئی اضافہ نہیں کیا گیا اور نہ ہی آنے جانے کے راستوں پر کوئی نئی چیک پوسٹ قائم کی گئی ہے۔
حکام کے مطابق سیکیورٹی صورتحال مکمل طور پر کنٹرول میں ہے اور عوام کی نقل و حرکت معمول کے مطابق جاری ہے۔
بریفنگ کے دوران سیکیورٹی حکام نے بلوچستان کی صورتحال پر بات کرتے ہوئے کہا کہ وہاں سرگرم فتنہ الہندوستان کے عناصر دراصل عوام کی ترقی اور امن کے دشمن ہیں، جن کے خلاف سیکیورٹی فورسز مؤثر کارروائیاں جاری رکھے ہوئے ہیں۔