کوئٹہ میں موبائل فون ڈیٹا انٹرنیٹ سروس تیسرے روز بھی معطل ہے جس کے باعث شہریوں کو شدید مشکلات کا سامنا ہے۔
ہفتے کے روز معطل ہونے والی موبائل ڈیٹا انٹرنیٹ سروس تاحال بحال نہ ہو سکی جس سے کاروباری افراد، طلبہ اور عام صارفین بری طرح متاثر ہو رہے ہیں۔ شہریوں کا کہنا ہے کہ انٹرنیٹ بندش کے باعث آن لائن کاروبار، تعلیمی سرگرمیاں اور روزمرہ امور شدید متاثر ہو رہے ہیں۔
دوسری جانب کوئٹہ سے اندرونِ ملک اور چمن کے لیے ٹرین سروس بھی تیسرے روز معطل ہے۔ ریلوے ذرائع کے مطابق کوئٹہ سے پشاور کے لیے جعفر ایکسپریس آج بھی روانہ نہ ہو سکی، جبکہ چمن کے لیے پیسنجر ٹرین بھی آج نہیں چلائی گئی۔
ریلوے حکام کا کہنا ہے کہ ٹرین سروس ناگزیر وجوہات کی بنا پر معطل کی گئی ہے تاہم سروس کی بحالی کے حوالے سے تاحال کوئی حتمی وقت نہیں بتایا گیا۔