سندھ بھر میں کمپیوٹرائزڈ اسلحہ لائسنس رکھنے والے افراد کے لیے بڑی سہولت کا اعلان کر دیا گیا ہے جس کے تحت اب لائسنس میں درج اسلحہ اپنے ساتھ رکھنے کی اجازت ہوگی۔
جاری کردہ نوٹیفکیشن کے مطابق، کمپیوٹرائزڈ اسلحہ لائسنس رکھنے والے افراد کو اب اسلحہ ساتھ رکھنے کے لیے کسی اضافی دستاویز یا الگ سے کیری پرمٹ کی ضرورت نہیں ہوگی۔
نوٹیفکیشن میں واضح کیا گیا ہے کہ اس سہولت سے فائدہ اٹھانے کے لیے شرط یہ ہے کہ اسلحہ پوشیدہ انداز میں رکھا جائے، اس کی نمائش یا برانڈشنگ نہ کی جائے۔
حکام کے مطابق اس اقدام کا مقصد قانونی اسلحہ رکھنے والوں کو سہولت فراہم کرنا اور غیر قانونی اسلحے کے استعمال کی حوصلہ شکنی کرنا ہے۔