پاکستان کو ایران اور امریکا کے درمیان ہونے والے مذاکرات میں شرکت کی دعوت موصول ہوگئی ہے۔
ترجمان دفترِ خارجہ نے دعوت کی تصدیق کرتے ہوئے کہا ہے کہ پاکستان اس ڈائیلاگ میں شرکت کرے گا۔ دفترِ خارجہ کے مطابق امریکا اور ایران کے درمیان مذاکرات جمعہ کو ترکی کے شہر استنبول میں ہوں گے، جہاں امریکی نمائندہ اسٹیو وٹکوف اور ایرانی وزیر خارجہ عباس عراقچی کے درمیان ملاقات متوقع ہے۔
ایرانی صدر مسعود پزشکیان نے وزارتِ خارجہ کو مذاکرات کے لیے سازگار ماحول تیار کرنے کی ہدایت بھی جاری کر دی ہے۔
دوسری جانب امریکی صدر ڈونلڈ ٹرمپ نے مذاکرات کے حوالے سے سخت بیان دیتے ہوئے کہا ہے کہ اگر بات چیت ناکام ہوئی تو اس کے نتائج اچھے نہیں ہوں گے۔