محکمہ ریلویز نے آج بھی کوئٹہ سے اندرونِ ملک اور چمن کے لیے ٹرین سروس معطل رکھنے کا اعلان کیا ہے۔ ریلوے حکام کے مطابق سیکیورٹی اور انتظامی وجوہات کے باعث ٹرینوں کی آمد و رفت تاحال بحال نہیں کی جا سکی۔
ریلوے حکام کا کہنا ہے کہ کراچی سے کوئٹہ آنے اور جانے والی بولان میل کو 12 فروری تک معطل رکھا جائے گا، جس کے باعث مسافروں کو شدید مشکلات کا سامنا ہے۔
محکمہ ریلویز کے مطابق بلوچستان سے اندرونِ ملک اور چمن کے لیے ٹرین سروس کی مسلسل معطلی کے باعث ادارے کو اب تک 30 لاکھ روپے سے زائد کا مالی نقصان ہو چکا ہے۔
دوسری جانب پنجاب کو بلوچستان سے ملانے والی ڈی آئی خان،لورالائی قومی شاہراہ اور کوئٹہ سے تفتان جانے والی قومی شاہراہ بھی گزشتہ پانچ روز سے بند ہیں جس کے باعث مسافر اور مال بردار ٹریفک بری طرح متاثر ہو رہی ہے۔