محکمہ موسمیات نے رمضان المبارک کے چاند سے متعلق پیشگوئی کردی
محکمہ موسمیات کےمطابق پاکستان میں یکم رمضان 19 فروری 2026 کو ہونے کا امکان ہے، 18 فروری کی شام چاند نظر آنے کا قوی امکان ہے، چاند کی پیدائش 17 فروری 2026 کو شام 5 بجکر 1 منٹ پر ہوگی۔
محکمہ موسمیات کا کہنا ہے کہ کراچی میں 18 فروری کو چاند کی عمر تقریباً 26 گھنٹے ہوگی، کراچی میں سورج غروب ہونے کا وقت 6 بجکر 25 منٹ ہے، کراچی میں چاند غروب ہونے کا وقت 7 بج کر 24 منٹ ہے۔
محکمہ موسمیات کے مطابق ملک کے بیشتر حصوں میں موسم جزوی ابر آلود رہنے کا امکان ہے، چاند نظر آنے کیلیے اس کی عمر 19 گھنٹے سے زائد ہونا ضروری ہوتا ہے۔
واضح رہے کہ چاند کی حتمی رویت اور یکم رمضان کا اعلان مرکزی رویت ہلال کمیٹی کرے گی۔