فیلڈ مارشل سید عاصم منیر نے کوئٹہ کا دورہ کیا جہاں انہیں صوبے کی مجموعی سیکیورٹی صورتحال پر تفصیلی بریفنگ دی گئی۔
پاک فوج کے شعبہ تعلقات عامہ (آئی ایس پی آر) کے مطابق فیلڈ مارشل نے اسپتال کا دورہ کر کے زخمیوں کی عیادت کی اور زخمی فوجی، فرنٹیئر کور اور پولیس اہلکاروں سے ملاقاتیں کیں۔
آئی ایس پی آر کے مطابق فیلڈ مارشل نے کہا کہ کسی بھی بہانے سے تشدد یا دہشتگردی کو جائز قرار نہیں دیا جا سکتا۔ سیکیورٹی فورسز نے ملک دشمن سازشوں کو ناکام بنا کر امن قائم رکھا ہے۔
فیلڈ مارشل سید عاصم منیر کا کہنا تھا کہ کسی بھی دہشتگرد یا اس کے سہولت کار کو نہیں بخشا جائے گا اور سب کے ساتھ قانون کے مطابق سختی سے نمٹا جائے گا۔
انہوں نے اس موقع پر سیکیورٹی فورسز کے بلند حوصلے اور پیشہ ورانہ صلاحیتوں کو سراہا۔