بلوچستان میں سیکیورٹی فورسز کے آپریشن ردالفتنہ کے مثبت نتائج سامنے آنے لگے ہیں۔ صوبے کے بدنام دہشت گردوں نے ہتھیار ڈال دیے اور امن کی طرف قدم بڑھایا۔
سیکیورٹی فورسز اور وزیراعلیٰ بلوچستان کے بھائی میر آفتاب بگٹی کی کاوشوں کے نتیجے میں دہشت گرد، لوٹ مار اور دیگر جرائم پیشہ عناصر نے سرینڈر کردیا۔
رپورٹ کے مطابق میراک خان چکرانی نے 25 ساتھیوں کے ہمراہ ریاست کے سامنے سرینڈر کیا اور بھاری مقدار میں اسلحہ و گولہ بارود جمع کروا دیا۔
میراک خان چکرانی نے شدت پسند عناصر کے خلاف چکرانی امن فورس میں شمولیت کا اعلان کیا۔ سرینڈر کرنے والے گروہ نے ماضی میں ڈکیتی اور بھتہ خوری میں ملوث ہونے کا اعتراف کیا۔