پاکستان تحریک انصاف نے سپریم کورٹ کے چیف جسٹس کو آج یاد دہانی کی یادداشت پیش کرنے کا فیصلہ کیا ہے۔
خیبرپختونخوا ہاؤس میں اجلاس سے خطاب کرتے ہوئے سہیل آفریدی نے کہا کہ سابق وزیراعظم عمران خان اور ان کی اہلیہ بشریٰ بی بی کو بلاجواز قید میں رکھا گیا ہے اور ان کی بہنوں سے ملاقاتیں بھی معطل ہیں۔ اجلاس میں عمران خان کی صحت کے مسائل پر بھی گہری تشویش کا اظہار کیا گیا۔
گزشتہ روز اسلام آباد میں پی ٹی آئی اور اپوزیشن کی پارلیمانی پارٹی کے اجلاس میں اپوزیشن لیڈر پنجاب اسمبلی معین قریشی نے پارٹی کے اراکین پر برہمی کا اظہار کرتے ہوئے کہا کہ حکومت کی کارروائیوں اور پی ٹی آئی کے خلاف سوشل میڈیا پر ہونے والی منفی رپورٹس نے پارٹی کی تذلیل کی ہے۔
انہوں نے کہا کہ تمام اراکین کو اپنی بساط اور صوبے کے مطابق ذمہ دارانہ کردار ادا کرنا ہوگا۔