سعودی عرب کے دارالحکومت ریاض میں عالمی دفاعی نمائش 2026 کا باقاعدہ آغاز ہوگیا ہے، جس میں پاکستان سمیت 80 ممالک شرکت کر رہے ہیں۔
پاکستان کی نمائندگی گلوبل انڈسٹریل اینڈ ڈیفنس سلوشنز، ہیوی انڈسٹریز ٹیکسلا اور پاکستان آرڈیننس فیکٹری سمیت متعدد ادارے کر رہے ہیں۔
نمائش میں پاکستان کے جدید دفاعی ساز وسامان اور میزائل سسٹمز پیش کیے گئے ہیں، جن میں بھارت کے خلاف معرکۂ حق کے دوران پاکستان کی دفاعی صلاحیت کو مضبوط بنانے والا فتح-2 میزائل بھی شامل ہے۔
وزیر دفاع خواجہ آصف سعودی حکومت کی دعوت پر نمائش میں شریک ہوئے، جبکہ وزیر مملکت برائے داخلہ طلال چوہدری نے بھی نمائش کا دورہ کیا۔ اس موقع پر طلال چوہدری نے کہا کہ سعودی عرب اور پاکستان کے درمیان دفاعی معاہدوں کے بعد دونوں ممالک کے تعلقات مزید مضبوط اور مستحکم ہوئے ہیں۔