وزیرِ مملکت برائے داخلہ طلال چوہدری نے سعودی نائب وزیر داخلہ شہزادہ ڈاکٹر عبدالعزیز بن محمد بن عیاف سے اہم ملاقات کی۔
ملاقات میں پاکستان اور سعودی عرب کے درمیان سیکیورٹی اور انسدادِ دہشت گردی کے شعبے میں تعاون بڑھانے پر اتفاق ہوا۔
طلال چوہدری نے کہا کہ دونوں ممالک کے درمیان مسلسل رابطہ خطے کے امن و استحکام کے لیے ناگزیر ہے۔
وزیرِ مملکت برائے داخلہ نے ریاض میں ہونے والے ورلڈ ڈیفنس شو 2026 میں پاکستان کی نمائندگی کی اور وزیرِ اعظم شہباز شریف اور وفاقی وزیر داخلہ محسن نقوی کی جانب سے سعودی قیادت کو رمضان کی مبارکباد بھی پہنچائی۔