امریکا میں ایک خاتون نے خواب کی بنیاد پر لاٹری کھیل کر ہزاروں ڈالر جیت لیے۔
امریکی ریاست ساؤتھ کیرولائنا کے شہر کنگسٹری سے تعلق رکھنے والی خاتون کا کہنا ہے کہ انہوں نے اپنی والدہ سے متعلق ایک خواب دیکھا جس کے بعد انہوں نے والدہ کے موبائل فون نمبر کے ہندسے لاٹری میں استعمال کرنے کا فیصلہ کیا۔
خاتون نے بتایا کہ خواب سے بیدار ہوتے ہی انہوں نے ’’پک 4‘‘ لاٹری کھیلنے کا فیصلہ کیا اور دکان جا کر اسی نمبر سیٹ کے حامل پانچ ٹکٹ خریدے۔ حیران کن طور پر ہر ٹکٹ سے انہیں 2600 ڈالر کا انعام ملا یوں مجموعی طور پر انہوں نے 13 ہزار ڈالر جیت لیے۔