قومی اسمبلی کا اجلاس جمعرات کو کورم کی نشاندہی کے باعث کچھ دیر کے لیے ملتوی کردیا گیا۔
اجلاس کا آغاز صبح 11 بج کر 9 منٹ پر ڈپٹی اسپیکر سید غلام مصطفیٰ شاہ کی زیر صدارت ہوا۔ کارروائی شروع ہوتے ہی رکن اسمبلی محمد اقبال خان آفریدی نے کورم کی کمی کی نشاندہی کی، جس پر ڈپٹی اسپیکر نے گنتی کرانے کا حکم دیا۔
گنتی مکمل ہونے پر ڈپٹی اسپیکر نے قرار دیا کہ ایوان میں مطلوبہ تعداد موجود نہیں، لہٰذا اجلاس کو کورم پورا ہونے تک کے لیے معطل کیا جاتا ہے۔