صدر مملکت آصف علی زرداری سے وزیراعظم محمد شہباز شریف نے اہم ملاقات کی، جس میں ملک کی مجموعی سیاسی اور معاشی صورتحال پر تفصیلی تبادلہ خیال کیا گیا۔
ملاقات کے دوران قومی سیکیورٹی کی صورتحال سمیت دیگر اہم امور پر مشاورت کی گئی۔ وزیراعظم نے صدر مملکت کو غزہ سے متعلق اجلاس میں اپنی شرکت اور حکومتی مؤقف پر بھی اعتماد میں لیا۔
ذرائع کے مطابق صدر آزاد کشمیر کے آئندہ انتخاب اور امیدوار کے معاملے پر بھی گفتگو ہوئی اور مختلف امور پر باہمی مشاورت جاری رکھنے پر اتفاق کیا گیا۔