بلوچستان کے ضلع خضدار اور گرد و نواح میں زلزلے کے شدید جھٹکے محسوس کیے گئے ہیں۔
زلزلہ پیما مرکز کے مطابق خضدار میں صبح 10 بج کر 52 منٹ اور 11 بج کر 30 منٹ پر زلزلے کے جھٹکے آئے۔ جھٹکے سکھر، جیکب آباد، نصیر آباد، گندواہ، جھل مگسی، دادو اور میہڑ سمیت سبی، کچھی اور ملحقہ علاقوں میں بھی محسوس کیے گئے۔
زلزلہ پیما مرکز نے بتایا کہ زلزلے کی شدت 5.6 ریکارڈ کی گئی اور زلزلے کا مرکز خضدار سے 86 کلومیٹر شمال مشرق میں تھا۔